Sa fine de s'otighentos e su comìntzu de su noighetos fiant sos annos de sa posta in òpera de funtanas, abbadorzos e acuedotos.
In su 1905 s'inzenieri Franchetti aiat progetadu su samunadorzu pùblicu de Tissi.
L'ant fraigadu cun cantones de carchina e tenet una forma de retàngulu iscuadradu. In sas fatzadas bi sunt aberturas chena bidros.
In intro, a inghìriu de unu muru b'at una barza manna de pedra. Sa pamentadura est fata de pedra molina. A longu de sos lados printzipales bi sunt duos iscalinos mannos de pedra, iscavados in sa carchina.
Atividade a incuru de s'Ufìtziu Limba Sarda de Tissi – TuLis 2023
Progetu “Figulinas in sardu”, finantziadu dae sa L. 482/99 e dae sa LR. 22/2018.
